Epistola B. Pauli ad Romanos*
Caput 12: Versus 8
Qui miseretur.Haec miseratio est quotidiana medicina quotidianis vulneribus etsi levioribus; tamenjudicium sine misericordia fiet ei qui non facit misericordiam[Jac. 2.], et hoc utique justum est ut dimittatur dimittenti et detur danti. Quisquis vero quasi nimis justus et securus judicium exspectat sine misericordia, sibi iram provocat. Misericordia haec multiplex est, scilicet peccanti ignoscere, oppresso subvenire, etc.; et ideo subdit de misericordia ponendo unum ejus membrum cum praemissum sit aliud membrum, ubi autemqui tribuit, in simplicitate.Simplicitas excludit hypocrisim, hilaritas gaudium ostendit, et fretum spe futuri.